📞「福籽媽咪你好呀,我係福籽班主任馬老師…」

兩年前,籽媽有日突然收到福籽班主任嘅電話
原來福籽上視藝堂嘅時候突然撕爛咗同學仔嘅作品
搞到同學仔好嬲,大家互相推撞💥
籽媽一聽到覺得好震驚、好嬲😨😡
覺得福籽越嚟越曳😠 仲影響到其他同學🔥

之後籽媽同馬老師慢慢了解先至知道…
原來喺籽爸同籽媽不斷就小朋友嘅事情針鋒相對、各不相讓嘅時候
馬老師都留意到福籽上堂時成日發呆、嘆氣😪
小息又唔肯同其他人一齊玩
仲成日向其他人發脾氣👿

馬老師向學校社工提及福籽嘅情況
亦都嘗試同福籽傾偈、了解佢嘅狀況💬
原來屋企嘅事令佢好唔開心
爸爸同媽媽都分別講對方做得唔好
福籽都唔知聽邊個先啱…🙉
明明兩個都係佢最愛嘅爸爸、媽媽💔 點解一定要做選擇

呢通電話,籽媽一路聽一路喊
佢唔知道原來佢同籽爸嘅衝突令到福籽被迫承受好多壓力同情緒😣
佢覺得好心痛、好內疚…
傾完呢通電話之後,籽媽下定決心❤️‍🔥
提醒自己唔好再將家籽同福籽夾喺中間
要仔細考慮佢哋嘅感受同需要
好好學習同籽爸溝通、合作🤝