籽爸籽媽曾經因為福籽嘅課外活動安排而發生好大衝突

嗰陣籽媽每日都要花好多時間先氹到福籽做功課

所以佢就減少咗福籽嘅興趣班，改為功輔班、補習班

等佢可以喺導師引導下，更輕鬆完成功課

不過籽爸就覺得上功輔班、補習班令福籽更大壓力

而且仲要取消福籽好鍾意上嘅籃球班

所以當佢知道籽媽再為福籽報名補習班嘅時候

籽爸就即刻趕去同籽媽理論

當時佢哋兩個都好激動

福籽喺隔離都唔知點算呀...

其實籽爸同籽媽都係為小朋友著想

只係佢哋嘅著眼點未必一致

放大雙方差異只會令衝突越演越烈

而最終受傷嘅只係夾喺中間嘅小朋友