話說…家籽呢排經常發噩夢😖
💭喺夢入面，佢見到籽爸同籽媽不斷鬧交
無論佢同福籽點樣叫爸爸、媽媽，佢哋都係聽唔到🙉
家籽真係好驚、好擔心，唔知點算
到佢醒返，佢個心都依然「卜卜卜卜」咁跳…♥️💦
事關最近疫情情況緩和
籽爸同籽媽商量緊恢復同小朋友嘅探視安排
可能佢哋認真嘅語氣
令聽到嘅家籽諗返起幾年前爸爸、媽媽經常鬧交時嘅畫面
原來家籽內心好擔心，腦海浮現如果爸爸、媽媽真係好似以前咁樣鬧交，咁佢可以點做呢？😥
我哋好多時以為小朋友無乜留意父母嘅對話
但其實佢哋對父母嘅一舉一動都好敏感，大聲少少都可能令佢哋諗好多嘢
小朋友未必識講自己嘅壓力同情緒
反而身體會有警號話比我哋知
就好似頻頻發噩夢、多咗發脾氣等等
所以家長都要多啲留意小朋友行為、情緒上嘅轉變💞
