上次提到平日家籽同福籽會係夜晚沖完涼同籽爸傾幾句

嗰日佢地原本約好咗籽爸Facetime傾吓計

但係點知當晚佢哋沖完涼之後…

突然伸手不見五指，眼前漆黑一片

電話連訊號都收唔到

想Whatsapp籽爸都唔得啊

見到家籽同福籽咁慌張，籽媽即刻攞個電筒出嚟

同佢哋玩影子遊戲，變咗好多隻動物出嚟

家籽同福籽都玩得好投入，仲話要影低同籽爸分享添呀

好彩喺兩個鐘之後就已經恢復電力

家籽同福籽即刻打比籽爸報平安

佢哋仲約定去籽爸屋企過夜嘅時候要一齊玩影子遊戲