最近嘅下雨天真係搞到家籽、福籽無曬心機

所以近幾晚，籽媽都會講睡前小故事比佢哋聽

如果半夜佢哋被雷聲嚇醒，籽媽都會擁抱佢哋入睡

轟隆！轟隆！轟隆！

原定今日家籽、福籽可以同籽爸見面，點知...

今朝天文台一度發出紅色暴雨警告提醒大家要留喺安全嘅地方避雨

家籽、福籽收到呢個壞消息之後都即刻扁曬嘴呀

好彩籽爸諗到改用FaceTime同仔女見面傾計

可以聽到爸爸帶點溫柔嘅聲線，以及佢著緊嘅肢體語言

令家籽、福籽都笑到咔咔聲，有返笑容啦

多得籽媽籽爸各自諗辦法陪伴家籽、福籽天氣差都無有怕!!