平安夜，聖善夜～

家籽、福籽知道聖誕節可以去姨媽到玩，呢幾日都喺度埋頭苦幹做功課

喺佢地默默耕耘嘅時候，門鐘一響，籽媽從郵差叔叔手上接收咗一個包裹

原來，係籽爸預備比家籽同福籽嘅聖誕禮物

籽媽就遞上呢份禮物比佢地

然後，就展開咗以下嘅對話

 

福籽：哇！係爸B送比我地嘅聖誕禮物啊！？等我睇下咩嚟先！

家籽：細佬！唔好啊～要等到Boxing Day先可以拆禮物架！

福籽：好啦咁。唔知爸B知唔知道我地想要咩呢？

家籽：爸B每次都揀到我地鍾意嘅禮物，我相信今次都係！