上回提到…
籽爸、籽媽為咗小朋友各自努力改變
嘗試以「親職夥伴」方式合作、溝通
又主動關心家籽同福籽嘅感受同需要
喺籽爸、籽媽知道福籽嘅狀況之後
佢哋都好擔心一向內斂嘅家籽心中可能都有啲情緒未能表達
所以佢哋分別都搵機會去同家籽傾吓偈
雖然家籽無明確講太多自己內心想法
但佢都表示呢段時間因為爸爸、媽媽成日爭執，令佢唔開心
籽爸、籽媽好真誠地向家籽講對唔住
話比佢知雖然爸爸同媽媽要離婚
但佢哋以後會努力學習同對方好好相處
請家籽唔需要為大人嘅事擔心
只要專注吃喝玩樂同讀書就夠
慢慢地，佢哋都感覺家籽變得開朗咗
間唔中都會聽到佢喺度哼吓歌
仲多咗笑容添呀
見到家籽同福籽嘅轉變，籽爸同籽媽都鬆一口氣，認為所有嘅努力都係值得的
