上回提到…
籽爸、籽媽好真誠地向家籽講對唔住之後
家籽有機會釋放內心嘅思緒，唔再被爸爸、媽媽嘅事困擾，變得開朗咗🌻
見到家籽同福籽嘅轉變，籽爸同籽媽心情放鬆咗不少

於是，籽爸同籽媽都鼓起勇氣，嘗試不一樣嘅生活模式

籽爸發掘咗新興趣周圍去行山🏔
辛辛苦苦登頂，出咗一身汗💦
見住大自然風景，所有煩惱都拋諸腦後🌄
有時行山見到山邊盛放嘅花朵，會影俾家籽、福籽，考考佢哋花嘅品種💐

而籽媽最近都學緊和諧粉彩，周不時就會喺屋企隨心創作
作畫過程令佢好放鬆，完全沉醉左係藝術嘅世界
有時，仲會搵埋家籽同福籽一齊畫畫🎨
互相分享、互相陪伴